مايسة محمد
مايسة محمد

رفقا بالقوارير.. بقلم: مايسة محمد

من مده كنت باتفرج على برنامج وفيه شيخ اسمه محمد الصغير كان بيتكلم عن حبوب منع الحمل و كان بيتكلم على انها بتصدر لدول العالم الثالث علشان النسل بتاعها يبدا يقل وان دي مش موجوده في امريكا وقعد يتكلم كلام عن ان ما ينفعش حاجه اسمها ابدا تنظيم النسل او تحديد النسل وان الست مفروض تنجب لحد اخر يوم في عمرها او لحد ما خلاص تبقى غير مؤهله للانجاب وتبلغ سن الياس ! طبعا هو ده المعنى الحرفي اللي بيوضح ان في فجوة ستظل قائمة بين الخطاب الديني لبعض الشيوخ وبين ارض الواقع .

انا وكل ست هنسمع ثاني ازاي لشخص زي ده بيتعامل مع الام كما لو كانت عباره عن أرنبة بتخلف وترمي هي الام دي مش مطلوب منها تطلع نشأ صالح ؟هتربي امتى لما تفضل تحمل و ترضع وتخلف ها تعلم امتى؟ هاتعلموا امتى العبادات والاخلاق والصلاه وتلحق تغرس فيهم لما يكون عددهم كبير احنا يادوب معنا كم طفل وبنجري وراهم وعايزين ال 24 ساعه بتوع اليوم يضربوا في 10 علشان نقدر ننجز ازاي كمان هنجيب اطفال ثانيه ويقول لك اصل كاثر الذريه لا المعنى ده غلط وقليل من فهم ووعي للمعنى الحقيقي ..هو الرسول هيباهي يوم القيامة بشباب بايظ ؟ هيباهي الأمم بشباب ملحقش ابواه يربوه ويتابعوه رحت فين وجاي منين ؟

لأنهم ببساطة بلغوا الكبر هالحق امتى اربي اللي انا جبته ده ولا انا هاربي وارمي مش انا مفروض ان انا هعلمه وهشرح وهكبر وهنمي مهارات وهوايات وهنتابع وهنغرس فيهم اشياء ومبادئ واعلم اخلاق وهنتابع تاني كمان يعني انا لما اجيب 6 هجري ورا الستة والتمانية في الشوارع اشوفهم راح دروسهم ولا لا واشوف صاحب مين و اتفرج على ايه ولا لما اجيب 2 هعرف اعمل ده.

بلاش ده كله هتلحق تعبد ربها امتى هتلحق تصلي من طلباتهم ازاي ده احنا معانا 2 وتلاتة و بنصلي واحنا مش عارفين ركعنا كام ركعة ولا قرينا إيه من جريهم حوالينا بلاش بردو طيب صحتها هو حد يقدر يغفل حقيقة ان الحمل والولادة بيسحب من صحة الست ! ده الدين اعترف بده ، طب ما حضرتك ياعم الشيخ هتيجي تدور على مراتك مش هتلاقيها.

نظريه زي دي هي اللي بتثبت ان فعلا بعض الشيوخ موجودين في برج عالي تماما بعيد كل البعد عن حياة الواقع.

x

‎قد يُعجبك أيضاً

د. عادل عامر

العنف الموجهة ضد أطفال مصر.. بقلم: د. عادل عامر

إن العنف الأسري هو أشهر أنواع العنف البشري وأخطره وأكثره انتشاراً في زمننا هذا, وبالرغم من إننا لم نحصل بعد ...