5 لقلبكاخترنا لك

ساخرون : «قلب صناعي» عمايل الاسطي «وحيد النجار»

تداولت مواقع التواصل الاجتماعى فيديو لمشهد من فيلم هندى ( لم يذكر أسمه ) يحتوى على العديد من المبالغات والتى غالباً ما تحتويها الأفلام الهندية ، لكن الفيديو المذكور أحتوي على مبالغات لا يصدقها حتي طفل صغير ، وقد سرد ساخرون تفاصيل المشهد بطريقة مضحكة وذلك على النحو التالى :

الفيديو الأعجوبة دا جزء من فيلم هندى … بتدور احداثه حول واحدة ف العمليات وقلبها خلاص وقف .. و الدكاترة ف العمليات مستنين العالم الهندى الفذ عشان يخلص اختراع القلب الصناعى عشان يزرعوه مكان القلب القديم grin emoticon :

– مشهد (1) : هنا الدكتور بيتصل بالعالم الهندى الفذ الاسطا وحيد النجار ~~ ايوة يا أسطاااا وحيد … فين يا عم القلب اللى أتفقنا عليه !! .. مش مواعيد تسليم شغل دى وربنا !!

– مشهد (2) : حبيب أدوك … خلاص والله ..القلب اتعمل وكله فلة وتمام … هو ع الدهان بس وخلاص grin emoticon

– مشهد (3) و (4) : وثوانى وكان الاسطا وحيد مخلص عمايل القلب الصناعى الخشب grin emoticon … و رش عليه دهان عشان يديله اللون الاحمر الجميل بتاع القلوب .. على حبة سبراى كدا لزوم اللمعان … وقام بايسه وكدا مية فل وعشرة بقا …. يدوب ألحق أسلمه للدكتور عشان العملية grin emoticon

– مشهد (5) : بيجرى وحيد بقى بسرعة عشان يروح المستشفى وينقذ حياة الست اللى بتموت … فبيطلع عليه عيال بالاحزمة والشوم ويضربوه وياخدو منه القلب ويقعدوا يلعبوا بيه كورة grin emoticon … اه وربنا … تخيلوا !! ..بيلعبوا كورة شراب بالقلب الصناعى grin emoticon … المهم الاسطا وحيد يدوب فاق من الضرب وقام نازل عليهم بقى أكشن هندى موتهم كلهم … وخد القلب وجرى ..وخلاص قرب من المستشفى … وإذا بواحد هندى متوحش بيخبطه بالعربية … وبينزل يضربه ….وبيخبط شومة على راسه … وبيجرى وراه وبيرشق البلطة ف ضهره …. كل دا عشان تموته !!! .. عندنا ف مصر الممثل بيموت من أول خبطة العربية grin emoticon … يلا ما علينا … المهم عشان وحيد كان مقدر قيمة كل دقيقة بتعدى على حياة المريضة … قام حادف القلب حادفة هندى ….. ف القلب قعد يطير زى ما هو واضح ف المشهد (6) …. لحد ما وصل للمستشفى ف المشهد (7) وكسر ازاز أوضة العمليات ودخل grin emoticon ~~ سبحان الله grin emoticon … يعنى أنا مش هعترض على كل الهجص دا … انما تنشن القلب بالظبط على اوضة العمليات … لا كدا كتير grin emoticon

– مشهد (8) : وف الوقت اللى الدكتور الهندى عمال يرن على الاسطا وحيد العالم عشان يستعجله .. بيلاقى فجأة القلب كاسر الشباك ومعدى من قدامه ~~ خطيـــرة خطيرة * بصوت مدحت شلبى *

– مشهد (9) : لسة فيها خطورة ..لسة فيها خطورة grin emoticon

– مشهد (10) : واخيرا القلب بيوقع فين يا مؤمن … بيوقع ف مكان العملية بالظبط … ويدوب وقع من هنا … و قام القلب منور نور أحمر وأخضر وأصفر grin emoticon … اه والله العظيم نور … اللى هو أشتغل يعنى grin emoticon ~~ ينهار أبيض ينهااااار ابيييييييض … والحطة والنطة والوزة والبطة …الله عليييييييك يا حبيب والديك …يخرب عقلك يا راااااااجل grin emoticon … يخرب عقلك يا وحيد …. سيب شوية لغيرك يا بنى grin emoticon

– مشهد (11) : وبينتهى الفيلم بإن الدكتور الهندى يدوب صدق إن القلب وقع بالظبط ف الفحرة اللى فاحرينها ف جسم المريضة وهوبا قام قايم مخيط الجرح على كدا وقاطع الخيط بسنانه grin emoticon ~~ هاااااااااار أسود !! .. انت بتخيط المنطلون !!! grin emoticon

شاهد الفيديو :

https://www.youtube.com/watch?v=SL3kgs14rtY&list=RDSL3kgs14rtY#t=0

مقالات ذات صلة

اترك تعليقاً

زر الذهاب إلى الأعلى
إغلاق
إغلاق